香菇肉碎茄子煲

尋日整的甜品, 食剩了放進雪櫃, 今晚煎番香都好好食! 嗯~可以再整^^

魚香茄子煲是我最常煮的家常菜之一, 原因是屋企人愛食又宜煮:p

來到英國之後, 再找不到霉香咸魚這種食材, 於是我就想辦法改用其他同樣香味濃郁的材料, 冬菇是一個好選擇!

當然, 如果你不歡喜冬菇, 可以考慮用天津冬菜, 榨菜, 甚至洋蔥~  加埋蝦米又點呢? 下次試下!

做菜前需預先醃好豬肉碎, 及發泡冬菇

(建議買質量較好的冬菇, 靚的冬菇發泡之後會更厚肉, 又爽又滑; 而靚的又沒有燻硫磺的冬菇, 用之發泡的水更可用作入湯做餸, 增添滋味)

先弄個蠔油冬菇! 

把切片的冬菇及發泡的水一同倒進鍋, 加半湯匙豉油, 一湯匙蠔油, 半湯匙糖

中火煮至燒開, 蓋上蓋子, 轉小火燜十分鐘

熱鍋滾油爆香蒜泥, 如喜歡食辣的人可以在此時放下辣椒絲, 這次我改用XO醬! 

待蒜香四溢, 蒜頭粒起了金邊, 就可放下預先醃好的豬肉碎, 炒圴, 讓肉碎充分吸收蒜香及XO醬的香味~ 

待肉碎轉色, 八成熟, 上碟備用

茄子下鍋炒圴, 放下三分一湯匙豉油, 三分一碗水, 燒開後 蓋上蓋子, 中小火燜約十分鐘至茄子變軟身

倒進蠔油冬菇, 蒜香肉碎, 炒圴, 蓋上蓋, 小火燜五至八分鐘

最後放入蔥花炒圴上碟!

香菇肉碎茄子煲!

用作下飯好像還不錯呢~ 開動!