Butternut squash soup

話說這日某人心血來潮話要入廚整西湯我飲, 我當然樂意坐享其成, 在旁邊打打氣, 拍拍照!

材料: 一個大約1公斤butternut squash

2湯匙檻欖油

1湯匙牛油

2個洋蔥

1瓣蒜頭

2個紅椒

4湯匙fraiche cream

1粒濃湯寶溶入850毫升水

butternut squash是南瓜的一種

就是這種紅椒

fraiche cream

製作過程: 把瓜切粒

把瓜粒加入一湯匙檻欖油，然後放入焗爐

200°C, 焗30分鐘
瓜粒會變得軟身，更金黃

把紅椒, 洋蒜切粒

1湯匙檻欖油+一湯匙牛油放進鍋

待鍋熱後放入洋蔥粒，蒜頭粒及4分3分量的紅椒

中火炒3分鐘，蓋上鍋蓋，轉慢火煮15分鐘

把所有材料倒進拌機打至cream一般的質地

最後倒回鍋中煮沸，加入剩下的4分1紅椒，搞均即可

今日食海鮮~

今日超市的魷魚及鱈魚好新鮮

一於買回來今晚食!

某人心血來潮要做西湯

於是也買了個butternut squash(南瓜的一種)

買完野在超市的咖啡廳坐低嘆咖啡食cake睇報紙

真係一個悠閒的下午~~

 蒜蓉燈籠椒炒鮮魷

英國的鱈魚比香港更平更新鮮

而且非常厚肉! 蒸黎食，口感彈牙又鮮甜，又不會像煎的那麼熱氣

我的最愛!

旅行期間食多了煎炸食品，的確有點熱氣

就煲左菜乾紅蘿蔔粟米粥下下火

 

至於某人的南瓜湯整成點？

明天再交待!

用飛碟機整窩夫?! 帶子燈籠椒意粉

今晚食西餐: 意粉，沙律加甜品^^

牛油熱鍋

爆香蒜蓉

然後煎主角(带子)

八成熟就放下燈籠椒絲一起炒至熟

上碟待用

然後初炸檻欖油，醬料，蒜蓉炒蝴蝶粉

最後倒入帶子，燈籠椒炒均熄火

是日沙律

近日見得太多窩夫艷照，流曬口水

但我無窩夫機，也不會考慮買

唯有想想辦法，覺得可用飛碟機一試

燈燈燈燈! 有請…

飛碟型窩夫~~哈哈!

Boxing day is shopping day

終於等到Boxing day! 不過唔係拆禮物， 而是去購物!

因為聖誕節期間的優惠, 在Boxing day減至最抵~

出發啦喂！第一站係我近期的熱愛 --- Staub神煲!

早上7時去到目的地，停車場都幾乎無位泊車了, 而且大家都磨拳擦掌好興奮咁等8時店舖開門>v<

買到啦! 買到曬啦！都是我想要的size:

籃色，31cm直徑橢圓鍋

橙色26cm圓形爆炒鍋

加埋原本有的22cm綠色圓型

共3個! 嘩哈哈哈…

來一張大合照!

這個橙色好靚~! 加上漸變的上釉技巧，好型格!

這鍋底比較淺而圓滑，我打算用作煎，炒及蒸

藍色橢圓可浸鷄，蒸成條的魚，烤羊腿

我更會嘗試煲湯煲粥

第二站 是去買保濕沖涼液

英國的冬天好乾…

買套裝抵d

有時我會懷疑: 重會唔會有人正價去買呢

我拿著兩個大大的神煲上車果陣，都有反省過自己會唔會太過份?

但當我回頭，見到名店前長長的人龍，人人面上神色貪婪…又覺得自己對老公還算有義氣(≧∇≦)

本是閒愁

有一種愁, 是閒愁

可能每個人都有

鐵娘子, 薄情郎...一旦發作, 個個身同感受

此愁溶於血液, 植入基因

有朝一日你做了個遊子, 就有鄉愁!

有時愁根深種卻一無所知,
偶一觸發, 就大件事!!

 一思量, 自難忘; 再思量, 更寢食難安, 唯有淚千行!

真係此愁無處可消除, 再多思, 就人都瘦!

摸住茶杯底望月光, 想著家人在何方

聽閒薄悻的呀爸呀媽已經唔記左自己重有個女,
正携手趁住聖誕同遊四方

真係無處話淒涼
老套都要講句

但願人長久~~

平安夜大食夜

家人今天開始聖誕假期

於是一早起身就出發,作聖誕前的最後衝刺, 買定D食物過節, 因為英國跟香港不同, 明天開始大街小巷10有9.9間店舖都會關門閉戶, 回家同家人過節, 包括超市!

如果你沒有預先在家儲蓄糧食, 嗯...家中可能會鬧饑荒...

結果我地買左好多!成個車尾箱都係!!! 應該可以食到去元旦=0=

發生咩事? 我都唔知, 女人在購物過程中是會喪失理智, 越買越多

我地會開車去一個本地農場買新鮮的瓜果, 芝士, 雞蛋, 肉類等等

大家幫我睇下呢D蕃茄有咩特別??  要賣到10元港幣一個

唔通有魔法?!

 今晚整叉燒~

先調好醃料，煮熱，熄火

梅頭豬肉切好

與醃料大融和

用手把肉按摩5至10分鐘

放入焗爐，慢火4至5度烤45至60分鐘

在等待的時間，我已經煮好飯，煮埋其他餸

今晚食薑汁炒芥蘭

香煎鱸魚柳配蒜蓉椰菜花粒

配燒汁食

各位真對不起，我唔記得幫叉燒影相…>0<…

記得果陣已經食光光了!嗚嗚…

大家想像下啦

飯後有湯飲: 木瓜玉米煲瘦肉，

另有蓮子，茨實，百合，淮山

(用神煲，煲左一個鐘就有火候了！果然神煲是也)

重有檸檬芝士蛋糕配花茶，飽到呢…

好彩自己都醒覺，食左半片cake而已

重有水果食呀！死未?!

搞搞震

來一杯Matcha Latte^^

在香港普及得大街小巷隨處可見的Matcha Latte, 在英國真係難覓其倩影...

在一個我很喜歡的台灣博客那兒看到了整Matcha Latte的食譜

於是手痒痒要試一下

如果成功, 以後就有得嘆了~

開始吧~

我用的是這種抺茶粉, 在倫敦的Japan Center買的, 香港也常見

(其實在日本的好友給我賣了些更好的抺茶粉, 不過這次做實驗就用普通貨仔先)

講到呢到, 我就好掛住佢>0<... (係呀, 講緊你呀! 日本妹! 唔準奸笑呀~)

其實佢係個香港女仔, 我的中小學同學, 因為大家成績唔錯, 一直都在精英班, 所以中一至中五都同班, 甚至後來也在同一間大學. 因為大家都是豪爽型的女生(這個形容太輕描淡寫了，根本就是兩個男人!)，於是一拍即合, 個個小息在一起, 我地豪邁的笑聲在校園飄揚, 所到處,男生也要回避!

畢業之後佢就去左日本做野, 每次回港就一次比一次更像日本人, 看來佢在日本人的社會融入得幾好。但我每次看見就很不是滋味...哼~!算什麼了, 在日本風流快活不準備回來了嗎?! 一年難得盼到佢回來幾日又要走, 我討厭死日本了! 易家我黎左英國, 大家就更難見面了! 唉~ 我們幾個好朋友都流浪在不同的國度, 盼有重遇相逄時...

真係把酒當歌, 人生幾何!
成長是苦澀而無奈的, 但我地已將最好的回憶送給了彼此, 我的回憶中有你, 你的回憶中有我, 擦不掉了~

好吧，重回主題
我沒有專業的工具去把抹茶打泡，想弄一杯專業的Matcha Latte是不可能的。於是，我用了這個，別小看它，成品比街外買的好

一茶匙的份量， 再加一點點暖水

研磨至幼滑，我用了5至7分鐘

看吧，磨出的都細緻幼滑

接著加進約100cc熱水，搞均，把溶液倒進杯子

再加入一茶匙蜂蜜調味

之後的程序是倒入奶泡

我用的是Nespresso的打奶器

如要漂亮綿密的奶泡蓋面，要另一茶壺型的容器幫忙先盛著奶泡，再緩緩倒入杯中拉花

這是製成品

試一口，味道與街上買的已不差離

抹茶味更濃郁純正就不用說，自家整作，始終沒有混入雜質，要幾靚有幾靚!